Apache linuxen istalatzen

Apache web zerbitzaria instalatzeko, terminala ireki behar da eta bertan lehenik eta behin, ezer egin aurretik, sudo apt-get update egin (aktualizatzeko). Ondoren, istalatzen hasteko, sudo apt-get install apache2 jarriko dugu eta segituan jabetuko gara instalazioa burutzen ari dela.

Instalazioa amaitzen duenean, ea ondo egin duen jakiteko, interneten sartuko gara eta helbidea jartzen den lekuan, http://localhost jarriko dugu, edo bestela http://192.168.14.6 (zerbitzariaren izena). Bertan azaltzen badira apache-ren barnean jasota dauden dokumentuak (hasiera batean bakarra aterako da probarako berak ekartzen duena) ondo funtzionatzen duela esan nahi du.

Zerbitzua martxan jarri edo gelditu egin daiteke, eta horretarako, honako komando hauek jartzen dira linux-eko terminalean:

* sudo /etc/init.d/apache2 stop (gelditu).
* sudo /etc/init.d/apache2 start (hasi).
* sudo /etc/init.d/apache2 restart (berrabiarazi).

Apache zerbitzariak, guk eginiko dokumentuak jasotzeko leku berezi bat erabiltzen du, eta bertara joateko modurik egokiena terminala erabiltzea da: sudo /var/www. Komando hau jarrita, geure dokumentazioa jasoko den lekura helduko gara, eta bertan karpeta bat sortu dezakegu (mkdir adibideak) azken honen barnean sartzeko gure lanak.

Virtual box nola instalau linuxen

Virtualbox makina birtuala instalatu ahal izateko Linux sistema eragilean, lehenik eta behin Virtualbox-en web orrialdean sartuko gara (www.virtualbox.org) eta bertan “Downloads” atalean. Honen barnean, “Binaries (all platforms)” izeneko atal bat azalduko da eta bertan sakatzean, orriaren amaieran, linux bertsio bakoitzerako helbide antzeko bat aterako da. Nire kasuan, Ubuntu 7.4 denez, “feisty” izenekoa aukeratuko dut, baina momentuz ez dugu ezer egingo horrekin.

Terminalean sartuko gara eta sudo vim /etc/apt/sources.list komandoa sakatuko dugu. Jarraian, lista antzeko bat azalduko zaigu eta bertan, amaieraraino joan eta lehen Virtualbox-eko web orria aurkitutako helbidea kopiatu eta pegatuko dugu, beste guztien ondoren. Jarraian, sudo apt-get update egingo dugu aktualizatzeko.

Kargatzen amaitzen duenean, instalatzen hasiko gara. Horretarako, sudo apt-get install virtualbox sakatuko dugu eta instalatzen hasiko da. Instalazioan zehar, gauza pare bat galdetuko dizkigu (continuar sin verificación, delete all modules…). Honekin amaitzean, programak berak instalazioan bertan, talde bat sortuko du eta guk, talde horretan sartu beharko dugu gure erabiltzailea ondo funtziona dezan programak (sudo adduser zubiri vboxusers).

Iada instalatua dago makina birtuala eta erabiltzeko prest.